Taolo ya Thoto ya ba Bannyane le ba bangwe, bao ba šitwago ke go laola ditaba tša bona.
BAFAHLOŠI
Mofahloši ke motho yo a kgethwago ke Mookamedi goba Kgorotsheko go laola thoto ya yo monnyane.
Ba bannyane/ ba mengwaga ya yka tlase ba wela ka fase ga ba go palelwa, ka seo molao ga o ba hlokomele bjalo ka bao ba ka kgonago go laola ditaba tša bona. Moo ba nago le thoto, ke gona mo go nyakegago gore go be le motho yo mongwe yo a e laolago bakeng sa bona. Ka mehla, wa mengwaga ya ka tlase o na le batswadi bao ka tlhago e le go bahlokomedi ba gagwe bao ba hlokomelago ditaba tša gagwe mme seo ga se nyake peo. Ka nako e nngwe e a hlaga, fela, ge e le gore yo monnyane yoo ga ana mohlokomedi wa tlhago le ge e le gore o na le thoto go a hlokega go bea Mofahloši go laola dithoto tšeo. Kgoro ya tsheko e ka dira bjalo le moo go nago le mohlokomedi wa tlhago. Moo thoto ya yo monnyane e bopilwego ke tšhelete yeo e bolokilwego ka gare ga sekhwama sa mohlokomedi, ga go mofahloši yo a nyakegago thotong ya gagwe, le ge mofahloši a ka bewa.
Peo ya mofahloši godimo ga merero ya yo monnyane e ka ba le maikemišetšo a mabedi. E ka ba:
Go laola thuto ya yo monnyane; goba/le
Go hlokomela yo monnyane.
Go ya ka molao wa Afrika Borwa yo monnyane ke motho yo a lego ka tlase ga mengwaga e 21, yo a se hlwego a lokollwa ke lenyalo goba taelo ya kgorotsheko.
Dinyakwa tša peo
Kgopelo go Mookamedi.
Foromo ya J243 sa lenaneo la diphahlo seo se šupago letlotlo la o monnyane.
Dikgetho tša motho wa maleba yo a ka kgethwago bjalo ka Mofahloši ke leloko la kgauswi la yo monnyane (ditšhišinyo tše ka tlwaelo di hwetšwa nakong ya kgobokano yeo e kgobokantšwego ke Mookamedi ka morero wo).
Maikemešetšo le kgwerano ka foromo ya J2762 ka mofahloši yo a kgethilwego.
Kgopelo ya peo bjalo ka foromo ya Mofahloši ya J197.
MOFAHLOŠI YO A BEILWEGO KE KGOROTSHEKO
Ke batho ba ba latelago fela bao ba loketšwego go ka kgetha mofahloši testamenteng ya bona:
Mohlokomedi a le noši wa tlhago (motswadi yo a phelago) wa yo monnyane wa semolao, yo kgorotsheko e se bago ya mo gana ka bohlokomedi bja gagwe godimo ga o monnyane yoo.
Motswadi wa yo monnyane yo e se ba go wa semolao, yo a se ba go a ganwa ke kgorotsheko ka bohlokomedi bja yo monnyane yoo.
Motswadi a nnoši yo kgorotsheko e mo filego bohlokomedi bja yo monnyane.
Dinyakwa tša peo:
Testamente yeo ka gare ga yona mofahloši a kgethilwego e swanetše go ngwadišwa ka tshwanelo mme e amogelwe ke mookamedi.
Foromo ya J243 ya lenaneo la diphahlo seo se šupago letlotlo la yo monnyane.
Pego ka mofahloši yo a kgethilwego moo e lego gore o bega gore motho yo a kgethilego yena testamenteng o dumeletšwe semolao go dira bjalo.
Maikemišetšo le kgwerano tša foromo poloko sa J262 ka Mofahloši yo a kgethilwego, ka ntle le ge mofahloši a lokollotšwe go go fa poloko testamenteng.
Kgopelo ya peo bjalo ka foromo mofahloši ya J197.
MOFAHLOŠI YO A KGETHILWEGO KE KGOROTSHEKO
Kgorotsheko, bjalo ka mohlokomedi wa ka godimo wa ba banyane ka moka, e ka kgetha motho bjalo ka mofahloši wa yo monnyane go hlokomela yo monnyane le go laola thoto ya gagwe.
Ka mehla ke lekoko leo le nago le kgahlego leo le dirago kgopelo go kgorotsheko. Godimo ga tšhupatefo ya kgopelo kgorotsheko ka tlwaelo e tla hloma curator –ad-litem go šereletša kgahlego ya o monnyane le go nyakišiša ditshwanelo tša kgopelo. Bobedi curator-ad-litem le mookamedi ba swanetše go bea dipego go kgorotsheko.
Tšatši le kgorotsheko e fago kgopelo le go bea mofahloši, Mookamedi o swanetše go fa sephetho go taelo ya kgorotsheko ka go hlagiša Mangwalo a Bofahloši le gona go dumelela mofahloši yo a beilwego go dira.
Dinyakwa tša peo.
Taelo ya kgorotsheko go kgetheng Mofahloši.
Foromo ya J243 ya lenaneo la diphahlo leo le šupago letlotlo la yo monnyane.
Maikemišetšo le kgwerano tša foromo ya poloko ya J262 ka mofahloši yo a kgethilwego, ge e se mofahloši yo a lokollotšwego go fa poloko ke kgorotsheko.
Kgopelo ya peo bjalo ka foromo ya mofahloši ya J197.
BAHLOKOMEDI
Mookamedi e bea bahlokomedi dibakeng tše latelago:
Go laola maruo a batho bao ba šitwago ke go laola ditaba tša bona.
Tše di akaretša:
batho bao ba nago le kgopolo yeo e hlaelago batho bao ba sa kgonego go sepetša merero ya bona ka baka la go fokola batho bao ba begilwego ke kgorotsheko gore ba bohlaswa.
Go laola letlotlo la batho le dikarolo tša molao, go kopantšwe ka Yuniti ya Tahlegelo ya Dithoto, go ya ka taelo ya kgorotsheko.
Go laola letlotlo la motho yo a hlokegago (motho yo go sa tsebjeng gore o ile kae, mme a se nago moemedi wa semolao Repabliking).
BAHLOKOMEDI LE BAFEPI
Mookamedi ga a na tokelo ya boahlodi go beeng mohlokomedi goba mohlokomedi godimo ga yo monnyane.
Ke kgorotsheko ya godimo yeo e ka kgethago motho, ntle le mohlokomedi wa tlhago wa o monnyane, bjalo ka mohlokomedi wa semolao wa o monnyane. Bjalo, ke Kgorotsheko ya Godimo fela yeo e ka amogago mohlokomedi wa tlhago bohlokomedi godimo ga yo monnyane.
Ka tsela yeo tlhokomelo ya o monnyane e lego ka ntshe, Molao wa Bana wa Tlhokomelo, molao wa bo 74 wa 1983, o fa gore Komosasa wa Kagišo ya Bana wa selete seo o monnyane e lego modudi wa sona, le maseterata yo a abetšwego, a ka bea mohlokomedi godimo ga o monnyane, ge ka morago ga nyakišišo, go hweditšwe gore o monnyane ke ngwana yo a nyakago tlhokomelo.
Karolo ya bo 14 ya Molao wa Tlhokomelo ya Bana e beile maemo mareong ao ngwana a ka hlongwago go ba yo a nyakago tlhokomelo, mme ya akaretša maemo ao ngwana a se nago motswadi goba mohlokomedi goba moo motswadi goba mohlokomedi wa ngwana a sa hwetšagalago.
Mohlokomedi, yo Komosasa wa Pabalelo ya Bana a mo kgethago, ke motho yo a nago le maikarabelo a go hlokomela o monnyane letšatši ka letšatši. Fela, mohlokomedi ga a na tokelo ya go laola letlotlo la yo monnyane.
